COMEZA A CONTA ATRÁS

Hoxe foi o noso quinto día e cada vez queda menos, só catro... Iso si, cada día facemos máis cousas, rematamos as guirnaldas, pintamos, fixemos parte do decorado para a gran gala e tivemos dúas visitas.... Unha foi a do CHEF, porque estivemos a cociñar. Queredes saber que fixemos? Pois muffins e trufas de chocolate, que si, mirade:

E o chef probounas, e aínda que tiñan que enfriar máis para estaren máis duriñas, dixo que de sabor estaban ben, iso si, tanto probar que mirade como está:

E despois tivemos máis visitas... viñeron os cans de familia, que xa puidestedes ver nas fotos dos nosos compañeiros de Fontiñas e Pío XII, e a verdade é que foi toda unha experiencia, habíaos de distintas razas, cores, tamaños... O máis impresionante, un que pesa máis de oitenta quilos. E así foi o noso día de hoxe... A ver que nos espera mañá!!!